طلب مسرحية لدور المصريين لعنهم الله

مرحبا يا كبير أنا أخواني طلبو مني
مسرحية وليس أسكتش ويكون عن الدور المصري الحاكم
بالنسبة للي بيحصل بفلسطين
بشرط أن تكون باللهجة المصرية
معلش بدي أغلبك

أخي هاد منتدى عام وما بسمحلك تغلط على أي حد
راح أكتبلك المسرحية بس بدها وقت لأنها بللهجة المصرية
وأنا فلسطيني بعرف شوية بالمصري وبمساعدة ستي بنكون مناح

[size=21](مسرحيةواحنا مالنا)

المشهد الاول

(مجموعة من الطلاب يلتفون حول داتا شو يعرض مشاهدمن فلسطين ولبنان وبعض الدول الاخرىويمرا بهما طالبان يضحكان وهما فى حالةانسجام)

أحمد: اية دا اية اللمة دى

فتحى : ايوة صح عرفتة دا باينله مهرجان السينما للجميع أحمد: دا باينلها لعبت يا توحة وهنتفرج بلوشى

فتحى : طب ياللا بينا

(يدخل الطالبان فى وسط المجموعة ويقف طالب من بينهم خطيبا)

طالب1 : وهكذا يا اخوانى العالم الاسلامى كلة يأن ويتعذب

طالب2 : وليس هناك مكان علىالخريطة تضع يدك علية الا وتجد مسلم يستنجد بك وبى ان ننقذهم ونمد يد العون لهم .

طالب3 : فلسطين الشيشان البوسنة والهرسك لبنان العراق كلها جراح فى الأمةالاسلامية

احمد: كابتن كابتن , ايه الاماكن البعيدة قوى دى الشيشان والبوسنةوالهرسك مالنا احنا ومالهم .

طالب2: مالنا ومالهم اذاى , مش دول بردة بشر ذى مااحنا بشر , مسلمين ذى ما احنا مسلمين

طالب1 : كل الضحايا اللى احنا شايفنهم دول بينادو علينا ليل نهار .

فتحى : لا يا عم , بينادو عليك انت لوحدك انا عن نفسىمحدش نادى عليّـه .

أحمد : وحياتك ولا انا , وبعدين احنا اساساً ساكنين فىالسابع يعنى لو حد نده مش هنسمع وإن سمعنا هنكسل ننزل .

طالب3 : احنا هنا مش بنهزراحنا بنتكلم عن ناس بتموت ضحايا .

طالب1: أم طلعوها من الانقاض حاضنة ابنها , والطفل متشعلق بصدر امه جريمتة إيه , جريمتها أية انهم مسلمين . . ! فوقوا بقى .

طالب2 : دم الضحايا بينادى علينا
.
فتحى : ياعم دم ايه ! والله العظيم الأرض نضيفة وذى الفل ولسة مسفلتين المسرح اهه .

أحمد : يا جماعة يا جماعة ! احناجايين الجامعة عشان حاجة واحدة . . ننبسط ونهيص ونتروشن

فتحى : ..(يعد على اصابعة ) دا يبقوا تلاتة ياحبيبى .

احمد : وبس

فتحى : كدا بقوا اربعة ( يضحك الاثنان مع)

طالب1 : يا جماعة مين اللى قال كدا بقولك احنا اتخلقنا لغاية اكبر من كدا .

أحمد : لغاية كدا ياعسل كفاية قوى انا هسيبك ويا الضحايا بتوعك وعندى دفنة فىالكافتيريا اخلصها

واجيلك اخد العزا بالإذن يا عم المصلح هتصلحوا الدنيا ؟ !

فتحى : يمشى وهو يغنى اغنية العيال مين هيشلها

للكاتب :معتز الشوا
ملتقى نجوم فلسطين [/size]

[size=21]المشهد الثانى

يدخل فتحى واحمد غرفتهما وهما يضحكان ويلقيان انفسهما على السرير

أحمد: البوستة والهرسك الشيشات

فتحى: كوبرى عبود اول فيصل

احمد: انت عارف احلى حاجة فى الموضوع دة , حكاية الضحايا اللى تنادى ليل نهار دى

فتحى: ياعم دا باين لهم عالم فاضية

أحمد : بقولك إية خلينا فى المهم (احممم) احنا لازم ننام علشان عندنا الليلة سهرة جامدة طحن

فتحى : بينا ننام يا عم الحلو انت كمان خخخخخخخخخ

( اظلام تام للمسرح يظهر فردان وهما يرتدون ملابس بيضاء عليها أثر الدماء يحاولان ايقاظهما )

أحمد : يوووة يابنى يابنى ارحمنى عايز اتخمد

احد الرجلين : قوم للحساب

أحمد : حساب اية وقرأة اية فى ليلتك الجبر دى

الرجل الثانى : ماقلنالك قوم للحساب

أحمد: قامت قيامتك يافتحى يا فتححىىىىىىىفتحى : يوووو يابنى انا جيتيام ي ي ياااااما انتو مين وعايزين اية

( الرجلان معا : احنا الضحايا وجايينعلشان الحساب )

أحمد: انت طلبت حاجة دلفرى واكلت مين غير ماتحاسب ؟ إديهم حسابهم ومشيهم

فتحى: يا عم والله اول مرة اشوفهم

احمد: ايوة بس دى حركة صح حركةوعاملينها فينا علشان تخوفونا

فتحى : اطلع من دول ياعم الحلو انت وهو دا احناعملتها يجى تلتمتين مرة قبليكم

ضحيه1 : احنا صبرنا عليك نفد , قوم وبلاش كلامكتير ( يمسكة من زراعة)

أحمد: دا بينلة بجد يا فتحى دا اديهم تقيلة قوى

فتحى: انا قايم لوحدى انا مؤدب ونبى ماتزقش

أحمد: مين دول دول

ضحيه1":بقية الضحايامن صبرا وشتيلا وقانا وجنين وفلسطين والعراق

ضحيه2: دا غير بتوع البوسنة والشيشان وافغانستان البلاد البعيدة قوى دى

أحمد : كنت بهزر

فتحى: ممكن اعرف انتواعايزين مننا اية

ضحيه1 : جايين نحسبكوافتحى: تانى . .! تحاسبونا على اية احناعمرنا ماكان لنا دعوة بحد

احمد: يعنى على بلاطة طول عمرنا فى حالنا ويس

ضحيه : 2 يابنى افهم ماهو علشان كدة احنا جايين نحاسبكوا

أحمد: إذاى بقى

ضحيه1 :انت ماسمعتش حديث النبى صل الله علية وسلم من لم يهتم بامر المسلمين فليس منهم

فتحى : يعنى اية

يعنى علشان احنا مسلمين ربنا واحد نبينا واحد لازم نشيل هم بعضوإلا....

احمد : واللا اية

ضحيه2: ماتستحقش تكون مسلم

فتحى : على فكرةياجماعة انتو مكبرين المسائل قوىاحنا صحيح عمرنا ما اهتمينا باللى بيحصل فى أى مكان فى العالم ا بس احنا ما اذنكوش ما ضرنكوش فى شئ

ضحيه1 : سكاتكم صمتكم كان هوالخنجر االممدود لصدورنا ولضهرنا كمان

ضحيه2 : الساكت عن الحق شيطان اخرس

احمد: اذاى ياجماعة فهمونا اكتر

ضحيه1: عارفين قصة التلات تيران والا سد

أحمد : اية دخل دا فى الموضوع بتاعنا

ضحيه 2 : دا هو دا الموضوع بتاعنا

ضحيه1 : كان فية تلت تيران الاسود والبيض والاحمر

وكان فية أسد حاول كتير انة ياذيهم اويقربلهم لكنما قدرش

ضحيه2 : لانهم كانو يد واحدة قوة واحدة

ضحيه1 : الاسد كان متأكد انة مش هيقدر يتغلب عليهم الا لما يفرق بينهم

ضحيه1: فرق تسد

ضحيه2 : فعلا راح لهموأقنعهم انهم يعملوا معاهدة سلام وانهم اولاد عمومة واحتمال يكونو اخوات ومن ابواحد فتحى: وعلى كدة صدقوا

ضحيه2 : للاسف ذى ما بيحصل دايما صدقوا

ضحيه1 : وبعدين راح للتور الاسود والاحمر واقنعهم ان الطور الابيض دا شايف نفسة قوى ومتعنتظ ( بصوت منخفض ) وعلى فكرة هو دايما اللى بيدل عليهم

ضحيه2 : وتقريبا له ميول ارهابية وانة تلقى تدريبات فى افغانستان او ايرن وانة ينتمى لتنظيم القاعدة

ضحيه1 : الثور الاسود والاحمر ابتدوا يبعدوا حبه بحبه عن التور الابيض

استغل الاسدا لفرصة و هجم على طول على التور الابيض استغاث بخواتة فى ظنكم كان رد فعلهم اية

أحمد: اكيد اكيد ماسبهوش لوحدة

ضحيه2: محدش سمع ولاشاف , و أعتقد انهم قالوا انه يستاهل لأنه جر شكل الأسد , ولأنه كان بيقاومه لما حاول يأكله . .

فتحى : مسكين الأسد!

ضحيه 1: الأسد ما كتفاش بالتور الأبيض , راح للتورالأسود و أقنعه إن التور الأحمر لونه فاقع قوى , وأنه المنافس الوحيد ليه فى الغابة .

ضحيه2: و أعتقد كمان إنه أقنعه إنه هيكون حليفه و دراعه اليمين فى المنطقة , آسففى الغابة . كل اللى

كان مطلوب منه الصمت و السكوت و أحياناً الشجب و الإدانة

ضحيه1 : طبعاً أكيد وصلتوا لنهاية القصة , التور الاسود يا سادة أصبح وحيد

ضحيه2:.. ( متهكماً و هو ينظر إلى أحمد و فتحى ) : ما هو كان فى حاله و ملوش دعوه بحد .

ضحيه1: لما جت اللحظة الموعودة و فاق من الصدمة اكتشف .

ضحيه2: إن كل الوعود و المواثيق الدولية خدعة كبيرة .

ضحيه1: التور الأسود قال كلمة بقت حكمة , وكل الناس بترددها لحد دلوقتى
.
ضحيه2: إنما أكلت حينما أُكل الثور الأبيض . . .

فتحى : تقصد إن إحنا كنا التور الأسود , وانتم كنتم التور الأبيض ( مشيراً إلىالضحية 2)
ضحيه2: بس لو سمحت ما تشاورش

ضحيه1: صح مظبوط تمام .

ضح2: وسكاتكم كان هو السبب فى اللى وصلنا له دلوقتى . أصبحنا يا سادة ( مشيراً إلى نفسه وإلى زميله ) ضحايا .

أحمد : لأ لأ , انتم بتبالغوا , انتم كده بتظلمونا , محدش كان يقدر يعمل لكم حاجة .

فتحى : أيوة إيه اللى كان فى إيدينا نعمله .

ضحيه1: كنتم تقدروا تعملوا زى المعتصم .

أحمد : المعتصم ! , و إيه بقا اللى عمله المعتصم

ضحيه2: المعتصم يا سيدى كان خليفة المسلمين , ولما أسر الروم إمرأة واحدة بس صرخت بأعلى صوتها . . وا معتصماه . . وا معتصماه

(إظلام المسرح وإضاءة بجانب آخر )

يبدأ المشهد على كرسى يجلس عليه خليفة المسلمين , يدخل عليه الوزير مهرولاً .

الوزير : يا خليفة المسلمين , يا خليفة المسلمين
.
المعتصم : ماذا هنالك يا رجل , ماذا حدث .

الوزير : أ ُسرت إمرأة فى الروم و نادت بأعلىصوتها مستغيثة بك قائلة : وامعتصماه وامعتصماه .

المعتصم : وا إسلاماه واإسلاماه .

اكتب هذه الرسالة . . من المعتصم أمير المؤمنين إلى كلب الروم , إنلم تأتينى المرأة فسوف أرسل إليك

جيشاً أوله عندك و آخره عندى .

(إظلام مع وجودأبيات شعرية)

رب وا معتصماه انطلقت ملئ أفواه الصبايا اليتم
ِ
صادفت أسماعنا لكنها لم تصادف نخوة المعتصم (إضاءة )

ضحيه2: بالفعل تم إعداد هذاالجيش و لكن الروم أرسلوا المرأة معززة مكرمة تحرسها كتيبة من النساء

ضحيه1: وأرجع المعتصم للأمة كلها كرامتها و عزتها .

أحمد : شفت بقا , أهو دا أكبر دليل على كلامنا .

فتحى : فعلاً , إحنا مش معتصم إحنا مش خليفة للمسلمين , إحنا مش رؤساء دول , روحوا حاسبوهم إحنا مالنا .

أحمد : إحنا مجرد أفراد ضعفاء , مفيش فى إيدينا أى شئ نعمله .

ضحيه1: مين اللى قال كده

ضحيه2: فيه فى إيديكو ميت ألف طريقة تعملوها

فتحى : لأ قول لنا طريقة واحدة كفاية .

ضح1: أقل شئ إنك تحسب آلامنا .

أحمد : نحس بآلامكم ! تقصد إيه .

ضحيه 2 : ..( مشيراً إلى مجموعة من الضحايا ) : كل الضحايا دول كانو زيك , ليهم أحلام . آمال .. طموحات , و فى

لحظة واحدة صاروخ غادر هدم البيت موت الأم و الأب و الطفل ,

وفى نفس اللحظة كل الأحلام اتساوت بالتراب .

فتحى : برده مش فاهم إزاى أقدر أحس بآلامهم .

ضحيه1: اسألهم . !

يتجه فتحى إلى مجموعة من الضحايا من بينهم طفلة و يبدأ فى سؤالهم )

فتحى : انتم منين ؟ و إيه اللى عمل فيكم كدة ؟ إيه قصتكم ؟

طفلة : أنا من لبنان , مش بعيدة قوى عنكم , كنت فاكرة إنى قريبة قوى منكم , قبل ما تحصل المذبحة

أحمد : مذبحة إيه ؟!

طفلة : كنت أنا و أخويا محمد الصغير و أبويا و أمى فى بيتنا , نايمين , حاضنين الحلم و الدفا .. و جوانا

قلوب بتحب كل الكون , و تكره الحرب والدمار , و فجأة إتحول الحلم الجميل لنار بتحرق كل حاجة , أمى

ماتت قدامى . . أخويامحمد . . أبويا , و فى الآخر كان الدور عليّـه .

ما كنتش متخيله إن الدنيا وحشه و إن فى وحوش فى هيئة بشر , وإن العالم كله هيتفرج عليّـه و أنا بموت و الرصاص بيقطع كل حته فى جسمى . . إيه اللى انت عملته , إيه اللى انتوعملتوه .!
كنتوا ممكن تقولوا لأ , كنتوا ممكن تقفوا جنبنا , و كان ممكن أبقى لسه عايشه و سطكم . . إنتوا اللى قتلتونى , , , إنتوا اللى قتلتونى .

ضحيه1: يا ترى حسيتوا بالألم ؟

فتحى : صدقنى إحنا بنحس , و بنتألم , بس انت برده مجاوبتنيش على سؤالى . إحساسىبالألم هيغير إيه ؟ !
ضحيه1: إحساسك بالألم هيخليك ترفع إيديك للسما , تدعى .. تقول يا رب ساعدنى , نفسى أكون معاهم , نفسى أخفف عنهم

ضحيه2: دى بقا اسمها سهام السحر

ضحيه1: دى سهام من ربك مضمونة , محدش يقدر يردها أو يمنعها

ضحيه2: إحساسك بالألم هيخليك تتبرع بكل اللى تقدر عليه , علشان أخوك فى فلسطين أو فى لبنان أو فى

العراق ما يموتش من الجوع و انتا شبعان , يلاقى البطانية اللى تدفيه , يلاقىالرصاصة اللى تدافع عنه .

ضحيه1: احساسك بالالم هيخليك تقاطع المنتجات الى اعداءك بيعملوها وانت تدفع فيها فلوس تتحول

للرصاصة للدانة لمدفع تموتنى وتموتك وانت اللىدفعت تمنها

ضحيه2: إحساسك بالألم هيخليك تحسس الدنيا كلها بنفس الألم

ضحيه1:عارف زى مين . !صلاح الدين الأيوبى .. أكيد تسمع عنه ! ليه كلمه مشهورة قوى .

ضحيه2: كيف أضحك و القدس أسير . .

ضحيه 1: صلاح الدين الأيوبى حس بالألم , حس إن المسجد الأقصى أول القبلتين و ثالث الحرمين فى

الأسر , و أنه بيستغيث بيه , و أنه لازم يحرره من الأسر . ما قدرش يضحك غير لما حرره .

أحمد : يا جماعة صدقونى إحنا اتأثرنا قوى و تعبنا قوى و حسينا إن إحنا كنا بعيد قوى .

فتحى : ممكن بقا نمشى ؟متشكرين قوى يا جماعة , سلام عليكم .

ضحيه2: على فين يا حبيبى ؟ انت كنت فكرنا بنهزر؟ دى محكمة , و فى حكم و ها يصدر عليك دلوقتى

أحمد : و مين بقا اللى هايحكم علينا ؟

(الإتنين فى نفس واحد ) الضحايا .

ضحيه2: و دلوقتى هنسمع الحكم . . أظن إن الضحايا سمعوا بما فيه الكفاية دفاعكوا عن نفسكوا . و مستعدين دلوقتى لنطق الحكم .

ضحيه1: القرار للضحايا , هل ترى الضحايا بعد كل ما سمعناه من السيد أحمدو السيد فتحى و بعد كل ما علمناه أنهم كانوا لا يعيشون سوى لانفسهم , و لم يهتموا يوماً لما يحدث فى العالم .

هل ترى الضحايا أنهم مذنبين ؟

(صوت جماعى للضحايا كآنه صوت آلى ) مذنبين , مذنبين

(وهما يلتفون حول أحمد و فتحى فى شكل دائرى)

ضحيه1: و إيه الحكم اللى شايفاه الضحايا ؟!

الضحايا فى صوت واحد : لازم يحسوا بالألم . . لا زم يحسوا بالألم
.
ضح2يه : حسسوهم بالألم .( الضحاياـاخذ أحمد و فتحى إلى مكان مظلم فى جانب المسرح )

أحمد وفتحى يصرخون : لأ لأ .

خلاص إحنا فهمنا , سيبونا نعيش مش معايزين نبقا ضحايا .

)إظلام تام للسرح , ونهاية المشهد(

للكاتب:معتز الشوا
ملتقى نجوم فلسطين[/size]

لك يسلموووو يااحلى كاتب بالدنيا
عنجد مجهود حلو يا حلو

تسلميلي أنتي وردك خيتو بنت غزة
والله عشان أكون صريح
أكتير أعتمدت عالمواقع في كتابتها

مو مشكله المهم كتبتها
بجد كتير حلوة
يسلمو ابو سند
انت كتير موهوب

يسلمو خيتي هاد بيعطيني دافع للأمام يا عسل
وأزا أحتجتو شي بخصوص المسرح أنا بالخدمة

» اطلب منك مسرحية تنص على ـ؟؟
» مسرحية أخري لك يا جوكر
» مسرحية مدرسية قصيرة (فداؤك أيها الحبيب)